នៅរសៀលថ្ងៃអង្គារ ៦កើត ខែផល្គុន ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៤ ខែមីនា ឆ្នាំ២០២៥ ដោយមានការអនុញ្ញាតិពីឯកឧត្ដមវេជ្ជបណ្ឌិត ញឹប អង្គាបុស្ស នាយកមន្ទីរពេទ្យកុមារជាតិ លោកវេជ្ជ. កែវ វណ្ណា នាយករងមន្ទីរពេទ្យបានដឹកនាំលោក-លោកស្រី អនុប្រធានការិយាល័យ លោក-លោកស្រីប្រធានផ្នែក OPD & EMD, Operation theatre, surgery, obstetric ដើម្បីទទួលដំណើរទស្សនកិច្ទពីសាស្រ្តាចារ្យ និង medical experts ពី Soon Chun Hyang University medical center ពីសាធារណរដ្ឋកូរ៉េ។

គោលបំណងនៃទស្សនកិច្ទនេះរួមមាន៖

1. ប្រជុំពិភាក្សាស្តីពីការសិក្សាបណ្តុះបណ្តាលគ្រូពេទ្យជំនាញផ្នែក ដាក់ថ្នាំសណ្តំ វះកាត់កុមារ សម្ភព និង ជំនាញថែទាំកុមារ 

2. ការចុះពិនិត្យតាមផ្នែកមួយចំនួនដូចជា: EMD, Anesthesia, Obstetrics and surgery ក្នុងការប្រមូលធាតុចូលដើម្បីរៀបចំជួយមន្ទីរពេទ្យបង្អែកដង្កោ (CPA1) ស្ថិតក្នុងរដ្ឋបាលនៃមន្ទីរសុខាភិបាលរាជធានីភ្នំពេញ

លោកវេជ្ជ.កែវ វណ្ណា បានធ្វើបទបង្ហាញស្តីពីការសំរេចបានរបស់មន្ទីរពេទ្យជូនដល់គណ:ប្រតិភូកូរ៉េរួមមាន: ចំនួន IPD សរុបប្រចាំឆ្នាំ ស្ថានភាពនៃទទួលសេវាក្នុងមន្ទីរពេទ្យ ប្រភេទនៃការសំរាលសរុប ការវះកាត់ និងបានធ្វើការចែករំលែកនូវបញ្ហាប្រឈមមួយចំនួនដែលបានជួបប្រទះ និង បានដោះស្រាយរួចរាល់ប្រកបដោយផ្លែផ្កា។ រីឯខាងគណៈប្រតិភូកូរ៉េ ក៏បានលើកឡើងពីសំនួរទាក់ទងការបញ្ជូនជំងឺ ចំនួនជំងឺដែលអាចមកពិគ្រោះ ឬ ព្យាបាល និង ស្ថានភាពមួយចំនួនទៀត។